gettext estas GNU ilaro por traduki programojn. Gettext uzas POT- kaj PO-dosierojn. POT-dosiero estas la ŝablono por PO-dosiero; 'Portable Object Template' angle. Oni povas malfermi ĝin en simpla tekstredaktilo aŭ po-tradukilo kiel KBabel aŭ poEdit

Kiam oni tradukas tian dosieron, oni tradukas la vortojn en la linio markita 'msgid' al la linio markita 'msgstr'. Msgid estas la NEtradukita vort-ĉeno; msgstr estas la jam tradukita vort-ĉeno. Kaj la msgid kaj la msgstr devas esti ĉirkaŭfermitaj de citiloj.

Kiam vi volas konservi viajn ŝanĝojn, konservu la POT-dosieron kiel PO-dosieron; te. kun la .po finaĵo; uzante la saman dosiernomon.

1. \n
   La fino de linio estas markita per \n
   Se vi uzas \n, kaj sekve vidas <br> en via tekstredaktilo, ne ĉagreniĝu. <br> ankaŭ signifas linfinon. Notu: poEdit uzanto konsilas min ke poEdit uzas du malsuprenstrekojn \\n por signifi novan linion.
   
2. _:Kunteksta Informo
   Neniam traduku liniojn kiuj komenciĝas kun _:
   Tiaj linioj enhavas kuntekstan informon: ekzemple
   _:logo area\n
   None
   la unua linio nur sciigas la tradukanton pri kiu estas la temo.
   Nur traduku 'None'
3. Multnombraj Formoj 'Plural Forms'
   _n: montras ke la tradukanto povas traduki unu linion por unuobla okazo, kaj alian linion por multnombraj okazoj, depende de la kunteksta informo kiun la programisto enskribas. EKZ.
   _n: Do you really want to move this item to the trash?\n
   Do you really want to move these %n items to the trash?
   La tradukanto tradukis:
   Ĉu vi vere volas meti tiun eron en la rubujon?\n
   Ĉu vi vere volas meti tiujn %n erojn en la rubujon?
   Noto:Nur metu la linfinan etikedon \n ĉe la fino de la unua tradukita linio
4. Citiloj
   Kiam ajn vi volas uzi citilon en la tekston, ĉiam uzu deklivan streketon antaŭ ol ĉiu citilo.
   Ekz. kiam msgid estas "This button" msgstr devus esti " \"Ĉi tiu butono\" "
   Notoj: 1. Ignoru la citilojn kiuj komencas kaj finas la msgstr.
   2. KBabel aŭtomate tradukas " kiel \"
   
5. Fulmoklavoj
   La simbolo por krei fulmoklavon estas la kaj-signo &, kiu oni metas antaŭ litero kiu, kune kun la ALT-klavo, lanĉas agon, kutime menuan agon. Zorgu ke vi uzas la saman fulmoklavon nur unu fojo en unu menuo.
   
6. Lerta Redaktado en Kbabel
   Se vi klakas:
   ⇒ Tab (taba aŭ deŝova klavo)
   Enmetas \t
   ⇒ Eniga Klavo
   Se la lasta signo antaŭ la kursoro ne estas spaceto, enmetas spaceton, kaj komencas novan linion.
   ⇒ Ctrl+Eniga Klavo
   Nur komencas novan linion (sen kontroli spaceton)
   ⇒ Majuskliga klavo+Eniga klavo
   Enmetas \n kaj komencas novan linion
   Se vi faras du-citilon
   ⇒ "
   Enmetas \"